Ju Yörewame Aw Maxtía Türi Álëpo

Jume Bibliata taáwari Jehováta siervom ujük bem ili üsimwa yörewame emo maxtía jouwapo.  Empo bitcha jume Abrahán entok Isaac  türi entok nákwame ettejoako páman Génesis 22:7po. José ketchi bitchak ä atchaimwa tü ä maxtíak, buëituk peresoteko yöre béchïbo otrom peresom junne (Génesis 40:8, 14). Entok ä álëpowa faraónta nookak bittua aw maxtía jáchisu boojoria yäuchimaki anneko (Génesis 41:16, 33, 34).
Wepu de Jehová Wox Mamni Nésauwim isaraelitam makka ájäria: “Em atchaim entok em ayyem úttile béchïbo büru em taáwarim ámëria wasa Jehová emchím makka” (Éxodo 20:12). Wepu álëpo béchïbo itóm atchaim úttile ájäriak bempörim yöreko. Por ejemplo, ju Jefteta malha büru yöre atteak ä votowata káasota jooríako, éläpo chë obiachi joowak (Jueces 11:35-40).

Ájäria unna importante üsim maxtía tü yörewame. Bémpo atteaknake büru amiwom yötuko, jume ili ússim emo maxtía jáchisu teléfonota yomnia, yoreme notteka tebote entok mesapo boojoria. Bempörim anía matchi jüneyya játchiaka puertata étapo béchïbo otrom, ámëria tü yoremem béchïbo ölam entok kökoremem entok bette bóosam weriaka yoremem anía. Bémpo jüneyya matchi ájäria importante cosam aáwa türi álëpo, chiókkore jíale, emo disculparwak entok otrom boojoriam.

Üsim yörewame maxtía kaa obiachi. Ju tü álëpo ájäria ejemplota yetcha. Kurt, 25 wasuktiam wéria, texwa jáchisu emo maxtía yörewame áapo entok ä baix saylamwa: “Ítapo bitchay ju tü nookwame itóm atchay entok itóm ayye, entok ju yanti entok yöre béchïbo jojooway otrom. Bat entok chúkula reunionim, itóm atchay ölamaki nookase entok béleku wérianee. Ínapo bitchay  jáchisu tebotey entok ju ame béchïbo buëuru yörewame ínneay”. Kurt junne jiawa: “Chúbalatuko ínapo boojoriam ï ténasi yörewame. Ino béchïbo yörewamey boojoriam normaltek. Ínapo kaa joowa buëituk joowa matchi, ínapo joowa buëituk joowa ukule”.

¿Jítasu wéeriayey üsim maxtía yörewame? Seguro amiwom yáanake entok otrom alhétuari boojoria. Éntoko, bémpo aanake chë listo béchïbo taáwarim chúbalatuko, buëituk ara tü boojoria teekomaki entok tekkilta companyiomaki. Entok, machisi, jume üsim tüisi boojoriaka entok tü boojoriaka bem atchaymwa orgullo entok alhéwame eyyateka (Proverbios 23:24, 25).